Ἀπόσπασμα ἀπό τόν Κατηχητήριο λόγο τοῦ Ἁγίου Ἰωάννου τοῦ Χρυσοστόμου
... Πάντες ἀπολαύσατε τοῦ συμποσίου τῆς πίστεως.
Πάντες ἀπολαύσατε τοῦ πλούτου τῆς χρηστότητος.
Μηδεὶς θρηνεῖτω πενίαν· ἐφάνη γὰρ ἡ κοινὴ βασιλεία.
Μηδεὶς ὀδυρέσθω πταίσματα· συγγνώμη γὰρ ἐκ τοῦ τάφου ἀνέτειλε.
Μηδεὶς φοβείσθω θάνατον·
ἡλευθέρωσε γὰρ ἡμᾶς ὁ τοῦ Σωτῆρος θάνατος.
Ἔσβεσεν αὐτόν, ὑπ' αὐτοῦ κατεχόμενος.
ἡλευθέρωσε γὰρ ἡμᾶς ὁ τοῦ Σωτῆρος θάνατος.
Ἔσβεσεν αὐτόν, ὑπ' αὐτοῦ κατεχόμενος.
Ἐσκύλευσεν τὸν ᾅδην, ὁ κατελθὼν εἰς τὸν ᾅδην.
Ἐπίκρανεν αὐτὸν, γευσάμενον τῆς σαρκὸς αὐτοῦ·
καὶ τοῦτο προλαβὼν Ἡσαΐας ἐβόησεν.
Ἐπίκρανεν αὐτὸν, γευσάμενον τῆς σαρκὸς αὐτοῦ·
καὶ τοῦτο προλαβὼν Ἡσαΐας ἐβόησεν.
Ὁ ᾅδης, φησίν, ἐπικράνθη, συναντήσας σοι κάτω.
Ἐπικράνθη, καὶ γὰρ κατηργήθη.
Ἐπικράνθη καὶ γὰρ ἐνεπαίχθη.
Ἐπικράνθη καὶ γὰρ ἐνεκρώθη.
Ἐπικράνθη καὶ γὰρ καθῃρέθη.
Ἐπικράνθη, καὶ γὰρ ἐδεσμεύθη.
Ἔλαβε σῶμα, καὶ Θεῶ περιέτυχεν.
Ἔλαβε γῆν, καὶ συνήντησεν οὐρανῷ.
Ἔλαβε, ὅπερ ἔβλεπε, καὶ πέπτωκεν, ὅθεν οὐκ ἔβλεπε.
Ποῦ σοῦ θάνατε, τὸ κέντρον;
Ποῦ σοῦ ᾅδη, τὸ νῖκος;
Ἀνέστη Χριστὸς καὶ σὺ καταβέβλησαι.
Ἀνέστη Χριστὸς καὶ σὺ καταβέβλησαι.
Ἀνέστη Χριστὸς καὶ πεπτώκασι δαίμονες.
Ἀνέστη Χριστὸς καὶ χαίρουσιν ἄγγελοι.
Ἀνέστη Χριστὸς, καὶ ζωὴ πολιτεύεται.
Ἀνέστη Χριστὸς, καὶ νεκρὸς οὐδεὶς ἐπὶ μνήματος.
Χριστὸς γὰρ ἐγερθεὶς ἐκ νεκρῶν,
ἀπαρχὴ τῶν κεκοιμημένων ἐγένετο.
ἀπαρχὴ τῶν κεκοιμημένων ἐγένετο.
Αὐτῷ ἡ δόξα καὶ τὸ κράτος εἰς τοὺς αἰῶνας τῶν αἰώνων. Ἁμήν.
Ἅγιος Ἰωάννης ὁ Χρυσόστομος
Πηγή: Ἀπλὸ κήρυγμα γιὰ τὸν ἀπλὸ ἱερέα, Ἀρχιμανδρίτου Ἰωαννικίου, σελ. 14-15 (ἀπόσπασμα).
Δεν υπάρχουν σχόλια:
Δημοσίευση σχολίου