Τῶν κόλπων τῶν πατρικῶν μὴ χωρισθείς, γλυκύτατε Ἰησοῦ,
καὶ τοῖς ἐπὶ γῆς ὡς ἄνθρωπος συναναστραφείς,
σήμερον ἀπ' ὄρους τῶν Ἐλαιῶν ἀνελήφθης ἐν δόξῃ·
καὶ τὴν πεσοῦσαν φύσιν ἡμῶν συμπαθῶς ἀνυψώσας,
τῷ Πατρὶ συνεκάθισας.
Ὅθεν αἱ οὐράνιαι τῶν ἀσωμάτων τάξεις,
τὸ θαῦμα ἐκπληττόμεναι,
ἐξίσταντο θάμβει· καὶ τρόμῳ συνεχόμεναι,
τὴν σὴν φιλανθρωπίαν ἐμεγάλυνον.
Μεθ' ὧν καὶ ἡμεῖς οἱ ἐπὶ γῆς,
τὴν πρὸς ἡμᾶς σου συγκατάβασιν,
καὶ τὴν ἀφ' ἡμῶν Ἀνάληψιν
δοξολογοῦντες, ἱκετεύομεν λέγοντες·
Ὁ τοὺς Μαθητὰς καὶ τὴν τεκοῦσάν σε Θεοτόκον,
χαρᾶς ἀπείρου πλήσας ἐν τῇ σῇ Ἀναλήψει,
καὶ ἡμᾶς ἀξίωσον, τῶν ἐκλεκτῶν σου τῆς χαρᾶς,
εὐχαῖς αὐτῶν, διὰ τὸ μέγα σου ἔλεος.
Ὕμνος Δοξαστικὸς Πεντηκοσταρίου
Δεν υπάρχουν σχόλια:
Δημοσίευση σχολίου