Ψυχῶν πασῶν ὁ Δεσπότης καὶ Ποιητής,
καὶ Κριτὴς καὶ Κύριος, οὗπερ πάντων τῶν ἐν γῇ,
ἐν χειρὶ τὰ πέρατα, αὐτός, οὓς μετέστησας
πιστοὺς ἐν σοὶ ἀνάπαυσον.
Χειρὶ ἀχράντῳ σου Λόγε ὁ ἀπὸ γῆς,
πλαστουργήσας μόνος με, καὶ ψυχώσας ὡς Θεός,
ζωηρᾷ ἐμπνεύσει σου, αὐτὸς, οὓς ἐντεῦθεν
προσελάβου σῶσον εὔσπλαχνε.
Ἀπάσης γῆς ὁ Ποιητής, σὺν πρεσβύτας παρθένοις,
καὶ σὺν νέοις ἐφήβοις, οὓς προσελάβου Χριστέ,
τῆς αἰωνίου χαρᾶς, καὶ τρυφῆς σου τούτους καταξίωσον.
Χριστός μου δύναμις, Θεὸς καὶ Κύριος,
ἡ σεπτὴ Ἐκκλησία θεοπρεπῶς, μέλπει ἀνακράζουσα,
ἐκ διανοίας καθαρᾶς, ἐν Κυρίῳ ἑορτάζουσα.
Ὁ γλυκασμὸς τῶν Ἀγγέλων, τῶν θλιβομένων ἡ χαρά,
Χριστιανῶν ἡ προστάτις, Παρθένε Μήτηρ Κυρίου,
ἀντιλαβοῦ μου καὶ ρῦσαι, τῶν αἰωνίων βασάνων.
Ἄλγος τῷ Ἀδάμ ἐχρημάτισεν,
ἡ τοῦ ξύλου ἀπόγευσις πάλαι ἐν Έδέμ,
ὅτε ὄφις ἰὸν ἐξηρεύξατο·
δι' αὐτοῦ γὰρ εἰσῆλθεν ὁ θάνατος,
παγγενῆ κατεσθίων τὸν ἄνθρωπον·
ἀλλ' ἐλθὼν ὁ Δεσπότης, καθεῖλε τὸν δράκοντα,
καὶ ἀνάστασιν ἡμῖν ἐδωρήσατο·
πρὸς αὐτὸν οὗν βοήσωμεν·
Φεῖσαι Σωτήρ, καὶ οὓς προσελάβου,
μετὰ τῶν ἐκλεκτῶν σου,
ἀνάπαυσον ὡς φιλάνθρωπος.
Ὕμνοι Πεντηκοσταρίου
Δεν υπάρχουν σχόλια:
Δημοσίευση σχολίου